₱5.6-B RESIDENTIAL PROJECT, ITATAYO NG CENTURY PROPERTIES SA GENERAL TRIAS

GENERAL TRIAS, CAVITE — Namumuhunan ang Century Properties Group Inc. (CPG) ng ₱5.6 bilyon para sa 25-hectare residential development na Cerulean Residences sa General Trias, Cavite.

Sa ilalim ng Century Limitless Corp., itatayo ang mahigit 1,100 two-story homes sa Barangay San Francisco, malapit sa Arnaldo Highway at CALAX Governor’s Drive exit.

Target ng proyekto ang premium housing market at sasamahan ng commercial hub, amenities at open spaces.

Ayon sa CPG, nakikita nila ang potensyal ng General Trias dahil sa mga trabaho at imprastrakturang nakapaligid sa lugar, kabilang ang Gateway Business Park at New Cavite Industrial City.

Source: Manila Standard