ASEAN SUMMIT, INAASAHANG MAGBUBUKAS NG MAS MARAMING TRABAHO AT OPORTUNIDAD SA NEGOSYO

Inaasahang magbubukas ng mas maraming trabaho at oportunidad sa negosyo para sa mga Pilipino ang pagho-host ng Pilipinas sa ika-49 ASEAN Summit sa Nobyembre 15–17, ayon kay Executive Secretary Ralph G. Recto.

Bilang tagapangulo ng ASEAN National Organizing Council, pinangunahan ni Recto ang koordinasyon ng mga ahensya ng pamahalaan upang matiyak ang kahandaan sa seguridad, trapiko at iba pang paghahanda para sa pagtitipon ng mga lider ng rehiyon.

Binigyang-diin ni Recto na dapat masukat ang tagumpay ng summit sa pakinabang nito sa mamamayan, kabilang ang mas malawak na merkado para sa mga produktong Pilipino at mas maraming oportunidad sa kabuhayan.

Kabilang sa mga inaasahang maisusulong ang ASEAN-Canada Free Trade Agreement at ASEAN Digital Economy Framework Agreement, na naglalayong palawakin ang kalakalan at palakasin ang digital na ekonomiya sa rehiyon.

#CaviteConnect