PARK INN BY RADISSON DASMARIÑAS, MALAPIT NANG MAGBUKAS MATAPOS ANG TOPPING-OFF

DASMARIÑAS CITY, CAVITE — Mas maraming pagpipiliang matutuluyan at venue para sa mga pagtitipon ang inaasahang maihahatid sa Cavite sa nalalapit na pagbubukas ng Park Inn by Radisson Dasmariñas, matapos makumpleto ang mahalagang yugto ng konstruksyon nito sa pamamagitan ng topping-off.

Bahagi ng pagpapalawak ng SM City Dasmariñas ang bagong hotel na idinisenyo para sa mga turistang nais mamasyal, mga pamilyang nagbabakasyon, at mga business traveler na nangangailangan ng komportable at modernong matutuluyan.

Magkakaroon ito ng 150 kuwarto at isang suite, all-day dining restaurant, lobby bar, fitness center at swimming pool na may pambatang pool. Maglalaan din ito ng dalawang function room at tatlong meeting room para sa mga business meeting, celebrations, conference at iba pang pagtitipon.

Inaasahang makadaragdag ang proyekto sa patuloy na pag-unlad ng Pala-Pala bilang mahalagang sentro ng komersiyo sa Dasmariñas, habang nagbibigay ng mas maraming opsiyon para sa mga bisita at lokal na komunidad.

Wala pang inanunsiyong petsa ng pagbubukas ng naturang hotel.

Photo Credits: Metro Cavite and Beyond

#CaviteConnect