CEZ ECO RUN 2026, DINUMOG NG MGA MANGGAGAWA SA ECOZONE SA ROSARIO

ROSARIO, Cavite — Dinumog ng mga manggagawa mula sa iba’t ibang kumpanya sa mga ecozone sa Cavite ang Cavite Economic Zone (CEZ) Eco Run 2026 nitong Linggo, Setyembre 27.

Isinagawa ang 6-kilometrong takbuhan na nagsimula at nagtapos sa CEZ Soccer Field, at dumaan sa South Avenue.

May temang “Every Step Plants Hope,” layunin ng aktibidad na itaguyod ang malusog na pamumuhay, pagkakaisa ng mga manggagawa, at pangangalaga sa kalikasan.

Naglaan din ng cash prizes para sa top male at female finishers; ₱10,000 para sa unang puwesto, ₱7,000 sa ikalawa at ₱5,000 sa ikatlong puwesto. May surprise prizes din para sa Top 10 finishers sa bawat kategorya.

Isinagawa ang CEZ Eco Run 2026 ng CEZ Employees Multi-purpose Cooperative (CEZEMPC) sa pakikipagtulungan ng CEZ at Cavite Export Zone Investors Association (CEZIA).

Source: Cavite News Network

#CaviteConnect