SUNOG SA PRIBADONG PAARALAN SA DASMARIÑAS, 70-ANYOS NA MAY-ARI, NASAWI
Nasawi ang isang 70-anyos na babae matapos masunog ang isang pribadong paaralan sa Barangay Sta. Cruz 1 lungsod ng Dasmariñas noong Miyerkules ng gabi, Sept. 3.
Kinilala ang biktima bilang may-ari ng Brentwood Academy of Dasmariñas Inc., na doon din naninirahan.
Ayon sa ulat ng pulisya, sumiklab ang apoy bandang 8:32 ng gabi mula sa isang silid-aralan at tuluyang naapula dakong 9:13 ng gabi.
Natagpuan ang sunog na bangkay ng biktima sa loob ng administration office habang nagsasagawa ng clearing operations ang mga bumbero.
Patuloy ang imbestigasyon upang matukoy ang sanhi ng sunog. #