DSWD, PINALALAWAK ANG KONSULTASYON SA PWD GROUPS PARA SA 2027-2036 DISABILITY PLAN

Mas pinalalawak ng Department of Social Welfare and Development (DSWD) ang konsultasyon sa Organizations of Persons with Disabilities (OPDs) para sa Philippine Decade Plan on Disability 2027–2036.

Ayon kay DSWD spokesperson Irene Dumlao, layunin nito na matukoy ang mga hadlang sa serbisyo at makuha ang karanasan ng PWD sector upang mapaigting ang inklusibong programa ng pamahalaan.

Isinasagawa ang konsultasyon sa iba’t ibang rehiyon sa pamamagitan ng cluster system: saklaw ng Cluster 2 ang Central Luzon, CALABARZON, MIMAROPA, at Bicol; Cluster 3 ang Visayas; Cluster 4 ang Zamboanga Peninsula, Northern Mindanao, at Davao; at Cluster 5 ang SOCCSKSARGEN, Caraga, at BARMM.

Nauna nang naisagawa ang mga konsultasyon sa Ilocos Region, Cagayan Valley, at Cordillera Administrative Region.

#PilipinasConnect