EL NIÑO, NAGDULOT NG ₱19.7-M PINSALA SA AGRIKULTURA SA CALABARZON

CALABARZON — Umabot sa ₱19.7 milyon ang pinsala sa agrikultura dahil sa El Niño sa Batangas, Cavite at Quezon, na nakaapekto sa 191 magsasaka.

Apat na bayan sa Quezon—Alabat, Jomalig, General Nakar at Guinayangan—ang nagdeklara ng state of calamity dahil sa epekto ng tagtuyot.

Nagbabala ang OCD Calabarzon sa posibleng kakulangan sa tubig, pagkalugi sa pananim, sakit dulot ng matinding init at panganib ng sunog. Hinimok nito ang mga lokal na pamahalaan na palakasin ang paghahanda at ang publiko na magtipid sa tubig.

Ayon sa PAGASA, maaaring magpatuloy ang lubhang tuyong kondisyon hanggang sa unang kalahati ng 2027.